UEFA CHAMPIONS LEAGUE: JUMANNE - OLYMPIACOS v MAN UNITED, JUMATANO - GALATASARAY v CHELSEA!

Michuano ya UEFA CHAMPIONS LIGI, yanaendelea tena kesho Jumanne na Jumatano wiki hii kwa Mechi nyingine za kwanza 4 za Raundi hiyo ambapo Timu mbili za England, Mabingwa Manchester United na Chelsea, zitakuwa Ugenini kuanza kampeni zao.
Wiki iliyopita, Timu nyingine mbili za England zilianza vibaya kwa zote kufungwa Mechi zao za Nyumbani wakati Man City walipochapwa kwao Etihad 2-0 na Barcelona na kumaliza Mechi wakiwa Mtu 10 baada ya Beki wao, Martin Demichellis, kutolewa nje kwa Kadi Nyekundu.
Hali kama hiyo iliwakuta Arsenal walipopigwa 2-0 Uwanjani kwao Emirates na Bayern Munich na kumaliza Mechi hiyo Mtu 10 baada Kipa wao Wojciech Szczesny kutolewa nje kwa Kadi Nyekundu.

Wiki hii, Man United watakuwa huko Ugiriki kucheza na Olympiacos na Meneja wao, David Moyes, licha ya kukiri ni Mechi ngumu, amesema wao wamepania ushindi wa huko huko Ugenini. Wachezaji wa United wakishangilia moja ya bao juzi kwenye mtanange wao na Crystal Palace walipoifunga bao 2-0 ugenini.Kocha David Moyes wa United

VIKOSI VINATARAJIWA KUWA HIVI: Olympiakos (4-4-1-1): Roberto, Salino, Manolas, Papadopoulos, Bong, Maniatis, Samaris, Campbell, Fuster, Saviola, Scepovic
Manchester United (4-4-2): De Gea, Smalling, Ferdinand, Vidic, Evra, Valencia, Fellaini, Carrick, Januzaj, Rooney, Van Persie

Nao Chelsea watakwenda huko Uturuki kupambana na Klabu Kigogo ya huko, Galatasaray Spor Kulübü, ambayo Straika wake ni Didier Drogba, Gwiji wa zamani wa Chelsea, ambae Mechi yake ya mwisho na Klabu hiyo ya England ni kuifungia Penati ya mwisho katika Mikwaju ya Penati 5 walipoitoa Bayern Munich kwenye Fainali ya UEFA CHAMPIONS LIGI huko Munich Mwaka 2012 na kutwaa Ubingwa.Lakini Meneja wa Chelsea, Jose Mourinho, amesema urafiki na Drogba utakuwa haupo kwa Dakika 90.Patakuwa hapatoshi...ni Drogba dhidi ya  kocha wake wa zamani

RATIBA:

Jumanne Februari 25

20:00 Zenit St. Petersburg v BV Borussia Dortmund

22:45 Olympiacos v Manchester United

Jumatano Februari 26

22:45 Schalke 04 v Real Madrid CF

22:45 Galatasaray Spor Kulübü v Chelsea FC

UEFA CHAMPIONS LIGI

Raundi ya Mtoano ya Timu 16

MATOKEO:

Jumanne Februari 18

Manchester City 0 FC Barcelona 2

Bayer 04 Leverkusen 0 Paris Saint-Germain 4

Jumatano Februari 19

AC Milan 0 Atletico de Madrid 1

Arsenal FC 0 Bayern Munich 2

RATIBA:

Jumanne Februari 25

20:00 Zenit St. Petersburg v BV Borussia Dortmund

22:45 Olympiacos CFP v Manchester United

Jumatano Februari 26

22:45 Schalke 04 v Real Madrid CF

22:45 Galatasaray Spor Kulübü v Chelsea FC

MARUDIANO

Jumanne Machi 11

22:45 Bayern Munich v Arsenal FC

22:45 Atletico de Madrid v AC Milan

Jumatano Machi 12

22:45 FC Barcelona v Manchester City

22:45 Paris Saint-Germain v Bayer 04 Leverkusen

Jumanne Machi 18

22:45 Chelsea FC v Galatasaray Spor Kulübü

22:45 Real Madrid CF v Schalke 04

Jumatano Machi 19

22:45 BV Borussia Dortmund v Zenit St. Petersburg

22:45 Manchester United v Olympiacos CFP