Na Baraka Mpenja, Dar es salaam

YANGA SC itakutana na Azam fc katika mchezo mkali wa Ngao ya Jamii kuashiria kupenuliwa kwa pazia la ligi kuu soka Tanzania bara jumapili (septemba 14 mwaka huu) uwanja wa Taifa, jijini Dar es salaam.

Kuelekea katika mchezo huo, mshambuliaji Jeryson Tegete hayuko fiti kucheza kutokana na kusumbuliwa na maumivu ya nyonga.

Mbali na nyota huyo mzaliwa wa Mwanza, mshambuliaji mwingine wa Yanga, Mbrazil, Andrey Coutinho yupo hatarini kukosa mechi hiyo kutokana na majeruhi ya mguu aliyoyapa jumatano ya wiki hii katika mechi ya kirafiki dhidi ya Polisi Dar es salaam.

Mechi hiyo iliyomalizika kwa suluhu pacha ya bila kufungana ilipigwa uwanja wa Shule ya Sekondari, Loyola, Mabibo jijini Dar es salaam.

Kwa sasa Yanga wameweka kambi katika Hoteli ya Tansoma, iliyopo eneo la Gerezani, Dar es salaam.

Baada ya Coutinho kuumia siku hiyo, leo hii Polisi Dar wamesikitishwa na majeruhi hayo  na kumuombea dua njema ili awe fiti kwa ajili ya mechi ya keshokutwa uwanja wa Taifa.

Kocha na mratibu wa Polisi Dar, Kennedy Mwaisabula ‘Mzazi’ kwa niaba ya klabu hiyo amemtakia afya njema Coutinho akimuombea apone haraka.

“Kama kocha na mratibu wa Polisi Dar,  kwa niaba ya timu yetu tunamtakia afya njema na apone haraka Andrey Coutinho mchezaji wa Yanga,  Raia wa Brazil aliyeumia kwa bahati mbaya mno dhidi ya  mechi yetu siku ya jumatano.” Amesema Mwaisabula dakika chache zilizopita kupitia akaunti yake ya mtandao wa kijamii ya facebook.

Coutinho ameonekana kuwateka mashabiki wa Yanga kwa uwezo wake wa kupiga mashuti ya mbali, kumiliki mpira, kupiga mipira ya adhabu ndogo na kupiga pasi za uhakika.

Nyota huyo amemzidia kete, Mbrazil mwenzake, Geilson Santos Santana ‘Jaja’ ambaye mpaka sasa hajakubalika miongoni mwa mashabiki wa Yanga wakidai ni mzito sana anapokuwa uwanjani.

Read More

+5

Daniel Sturridge atakaa nje ya uwanja kwa wiki tatu baada ya kupata majeruhi katika mazoezi ya England

BRENDAN Rodgers ameponda matibabu wanayotoa England kwa mshambuliaji wake Daniel Sturridge baada ya kupata majeruhi ya mguu.

Sturridge aliumia ijumaa iliyopita, saa 48 baada ya kucheza dakika 89 katika ushindi wa England wa bao 1-0 dhidi ya Norway katika mechi ya kimataifa ya kirafiki.

Nyota huyu alikosa mechi ya kuwania kufuzu Euro 2016 dhidi ya Uswizi ambapo England ilishinda mabao 2-0 na sasa yuko nje ya uwanja kwa wiki tatu.

Rodgers amechukia sana kwasababu mshambuliaji wake hakupewa muda mzuri wa kupumzika.

"Tumekatishwa tamaa sana kwasababu tunadhani majeruhi yake ingetibiwa haraka," Bosi wa Anfield alisema.

+5

Daniel Sturridge amemtia hasara kocha wake Brendan Rodgers

Daniel Sturridge akionesha ufundi wake katika mazoezi ya England dhidi ya Phil Jones kabla ya kuumia

Read More

Oscar Pistorius amekutwa na hatia ya kumuua mpenzi wake Reeva Steenkamp

MWANARIADHA  Oscar Pistorius anakabiliwa na kifungo gerezani baada ya kukutwa na hatia ya kumuua mpenzi wake Reeva Steenkamp.

Jaji wa mahakamu kuu ya Afrika kusini, Thokozile Masipa mapema laisema siku ya wapendanao 'Valentine Day' mwaka jana, Pistorius alimpiga risasa mpenzi wake huyo.

Mara zote Pistorius amekuwa akikiri kuhusika na kifo chake nyumbani kwake mjini Pretpria, lakini alisema hakukusudia kumpiga risasi mpenzi wake na  alimpiga risasi nne kwa bastola yake.

Oscar Pistorius akiwasili mahamani siku ya pili leo kujibu mashitaka yake 

+11

Jaji Thokozile Masipa akitangaza kuwa Pistorius hajakutwa na hatia ya kuuza kwa kukusudia jana alhamisi.

Mwanariadha huyo alikuwa anakabiliwa na kesi ya kuua kwa kukusudia, lakini ushindi juu ya hilo haukujitosheleza.

Kwa mara ya pili leo, Pistorius  alisimama kizimbani kujibu shitaka lake, lakini hakuonekana kuwa na hisia zozote.

Jaji Masipa aliiambia mahakama: " Kwa kuzingatia ushahidi wote uliowasilishwa katika mahakama: Kosa la kwanza, muuaji hajakutwa na hatia ya kuua kwa kukusudia na anaachiwa huru kwa hilo".

"Badala yake amekutwa na hatia ya kuua"

Read More

RATIBA YA KESHO ENGLAND

ENGLAND: Premier League
04:45		Arsenal	-	Manchester City
07:00		Chelsea	-	Swansea
07:00		Crystal Palace	-	Burnley
07:00		Southampton	-	Newcastle Utd
07:00		Stoke City	-	Leicester
07:00		Sunderland	-	Tottenham
07:00		West Brom	-	Everton
09:30		Liverpool	-	Aston Villa

Read More

Read More

Na Baraka Mpenja, Dar es salaam

KOCHA mkuu wa Mbeya City fc na kocha bora wa ligi kuu Tanzania bara msimu uliopita, Juma Mwambusi, amewakaribisha makocha Patrick Phiri wa Simba na Marcio Maximo wa Yanga.

Akizungumza mchana huu na MPENJA BLOG, Mwambusi amesema kocha Phiri ana historia ya kufundisha soka la Tanzania kwa ngazi ya klabu wakati Maximo amefundisha timu ya Taifa, lakini wote wataleta changamoto nzuri kwake.

Mwambusi aliongeza kuwa ujio wa makocha wapya unaleta vionjo vipya katika ligi, lakini yeye kama mwalimu anajipanga kukabiliana kwa nguvu zote ili kuendeleza mafanikio ya msimu uliopita.

“Mimi naona tungoje dakika 90 zitakuwa zinatoa majibu. Sina la kusema zaidi ya kusema ni changamoto. Mwalimu mpya anapopatikana katika ligi anakuja na kionjo kipya, kama mwalimu lazima ukabiliane nacho. Kwahiyo sisi tunawakaribisha ligi kuu Phiri na Maximo.” Alisema Mwambusi.

Aidha, Mwambusi alifafanua kuwa maandalizi ya ligi kuu yanakwenda vizuri  na wapo hatua za mwisho kabisa kuhakikisha wanapata kikosi cha kwanza.

Alisema mwishoni mwa wiki hii wanatarajia kupata mechi ya mwisho ya kirafiki itakayofunga mahesabu ya kuanza msimu mpya unaotarajia kuanza septemba 20 mwaka huu.

“Vijana wanaendelea vizuri na tuko katika kumalizia-malizia maandalizi na tunaangalia utaratibu wa kupata timu ya kucheza mechi ya kirafiki ili kupata kikosi cha kwanza”

“Wachezaji wote wako katika hali nzuri, kikubwa tunadhani mwishoni mwa wiki hii tutakuwa na mechi ya kirafiki ambayo itakamilisha maandalizi yetu na tujue tunatokaje katika mechi za ligi kuu.”

“Bado viongozi wanafanya jitihada  kupata timu kutoka Malawi na ikishindikana tutacheza na timu ya hapa ndani ambayo itatupa upinzani mzuri”

 Kocha huyo maarufu kwa sasa alisema soka sio mchezo wa kutabiri, lakini anashukuru kwa vile mwaka jana walitoa changamoto kubwa na timu nyingi zinataka kuwaiga wao.

“Mpira wa miguu sio wa kutabiri, lakini mimi nashukuru kwa kuwa mwaka jana Mbeya City fc tumeleta changamoto na watu wanajiandaa vizuri sana na kila mtu anataka kuona timu yake itafanyeje ili iweze kuwa kama Mbeya City. Mimi nafikiri ligi itakuwa na changamoto sana mwaka huu.

Msimu uliopita, Mbeya City ilishika nafasi ya tatu kwa pointi 49 nyuma ya Yanga walioshika nafasi ya pili na Azam fc nafasi ya kwanza (mabingwa).

Mbeya city wanatarajia kuanza kampeni zao za kusaka ubingwa msimu wa 2014/2015 septemba 20 mwaka huu  katika uwanja wa nyumbani wa Sokoine jijini Mbeya dhidi ya maafande wa JKT Ruvu.

Read More

Issa Rashid (kulia)

BEKI wa Simba Issa Rashid ‘Baba Ubaya’ atalazimika kukaa nje ya uwanja kwa wiki mbili baada ya kuumia nyama za paja kwenye moja ya mazoezi ya klabu hiyo, daktari wa Simba, Yassin Gembe amethibitisha.

Mbali na beki huyo straika Elius Maguli alilazimika kupumzishwa kufanya mazoezi na wachezaji wengine baada ya kuugua Malaria ambapo mpaka jana Jumatano mchana haikufahamika mara moja kuwa angerejea kuendelea na programu hizo siku gani.

Gembe alisema baada ya kwenda kumfanyia vipimo Jumatatu ya wiki hii, Baba Ubaya alishauriwa kukaa nje kwa muda wa wiki mbili wakati Maguli alipumzisha juzi Jumanne kufanya mazoezi na wachezaji wenzake kutokana na kusumbuliwa na Malaria.

“Baba Ubaya atalazimika kukaa nje kwa wiki mbili kuanzia leo (Jumanne) baada ya kugundulika kuwa majeraha yake ya nyama za paja si madogo kama tulivyodhani mwanzo,” alisema Gembe

Majeraha hayo yatamfanya Baba Ubaya kuukosa mchezo wa ufunguzi wa Ligi kati ya Simba na Coastal Union utakaochezwa Jumapili ya Septemba 21.

Chanzo: Mwanaspoti

Read More