MWAMUZI MJAPAN AMBEBA NEYMAR KWA KUSHINDWA KUMUONESHA KADI NYEKUNDU,...NAYO PENATI...mhhhhh!

Wakitazamana: Neymar na Luka Modric wakijiandaa kuruka juu  Sao Paulo.

 MWAMUZI Yuichi Nishimura hatausahau usiku wa leo baada ya kuwasaidia kwa kiasi kikubwa wenyeji Brazil kuvuna pointi tatu dhidi ya Croatia katika mchezo wao wa kwanza wa kombe la dunia mwaka 2014.

Mjapani huyo alimwacha Neymar aendelee kuwepo uwanjani baada ya kumpiga kiwiko Luka Modric katika kipindi cha kwanza, kabla ya kuwazawadia wenyeji penati nyepesi.

Mpira wa juu: Neymar (mbele kushoto) na Modric wakigombaniana mpira...lakini Mbrazil aliweza kwa njia isiyosahihi.

Modric akijiokoa na kuanguka chini baada ya kugongana na Neymar

Modric akianguka chini baaada ya kushindwa kuhimili nguvu ya Nemyar

Wachezaji wa Croatia wakimzonga Mwamuzi Yuichi Nishimura, huku Neymar akijitetea

Nishimura akimuonesha Neymar kadi ya njano huku  Modric akiwa amelala chini.

BRAZIL YAANZA KWA KUITANDIKA CROATIA 3-1, NEYMAR APIGA MAWILI NA KUKIMBIA KADI NYEKUNDU...OSCAR NAYE APIGA MPIRA MKUBWA MNO

Neymar Mkombozi: Mbrazil huyo anayevaa jezi namba 10 alifunga mawili.

NYOTA aliyebeba matumaini ya Wabrazil wengi, Neymar amefunga mabao mawili usiku huu katika ushindi wa mabao 3-1 dhidi ya Croatia kwenye mchezo wa ufunguzi wa fainali za kombe la dunia. 

Wenyeji walijifunga mapema dakika ya 7 ya kipindi cha kwanza baada ya Marcelo kuujaza mpira nyavuni katika harakati za kuokoa na kuzua ukimya mkubwa uwanjani kwa mashabiki wa Brazil waliofurika kushuhudia timu yao..

Mambo almanusura yawe mabaya kwa Brazil  wakati Neymar alipomfanyia faulo mbaya kiungo wa Croatia Luka Modric, lakini mwamuzi Yuichi Nishimura alimzawadia kadi ya njano tu.

Baadaye Neymar alifunga bao la kusawazisha kwa shuti la mbali  na aliongeza bao la pili kwa njia ya mkwaju ya penati baada ya mwamuzi kutoa penati yenye utata kufuatia Dehan Lovren kumfanyia  madhambi Fred.

Oscar alihitimisha karamu ya mabao kwa Wabrazil na kutoka na ushindi wa kwanza katika michuano ya mwaka huu inayofanyika katika ardhi yao.

Mkwaju wa penati: Neymar alifunga penati yake ingawa kipa wa Croatia aligusa mpira.

Hapa chini ni viwango vya wachezaji wa timu zote na alama zimetolewa juu ya 10.

Neymar ndiye mchezaji bora wa mechi ya leo kwa kupata alama 8 akifuatiwa na Oscar mwenye alama 7.

Kikosi cha Brazil na viwango vyao: Julio Cesar 6; Dani Alves 5.5, Thiago Silva 6, Luiz 6, Marcelo 5.5, Paulinho 6, Gustavo 7, Hulk 6 (Bernard 68), Oscar 7, Neymar 8, Fred 6.5.

Wachezaji wa akiba: Jefferson, Fernandinho, Dante, Maxwell, Henrique, Ramires, Hernanes, Willian, Jo, Maicon, Victor.
Kikosi cha Croatia na viwango vyao: Pletikosa 6, Srna 6.5, Corluka 7, Lovren 6.5, Vrsaljko 6; Modric 7, Rakitic 7, Perisic 6.5, Kovacic 6 (Brozovic 62), Olic 6, Jelavic 6.
Wachezaji wa akiba: Zelenika, Pranjic, Vukojevic, Schildenfeld, Rebic, Sammir, Vida, Eduardo, Subasic.

Anajiangusha chini kirahisi: Fred akianguka baada ya kupewa misukosuko na  Dejan Lovren na mwamuzi aliwazadia penati Brazil

 Luiz Felipe Scolari akimkumbatia Neymar baada ya kufunga bao la kusawazisha.

Neymar (kushoto)akishangilia bao lake la kwanza

Guu la kushoto: Neymar akipiga shuti nje ya eneo la hatari na kuutumbukiza mpira kwenye kona

Kipa wa Croatia  Stipe Pletikosa akijaribu kuokoa shuti la Neymar lakini aliambulia manyoya tu

Bao la mbali kabisa: Goli la Neymar lilitoka nje ya boksi kama uonavyo kwenye picha ya juu.

Mshale huo unaonesha jinsi shuti la Neymar lilivyokuwa na nguzu na lililengwa eneo sahihi

Hakutarajia : Marcelo (wa pili kulia) alijifunga bao na kumwacha kipa Julio Cesar akiduwaa.