Manchester United wameshindwa kutetea Taji lao la International Champions Cup baada ya kufungwa 2-0 na Paris Saint-Germain kwenye Mechi yao ya mwisho Usiku wa kuamkia Leo huko Soldier Field, Chicago, USA na kuiacha PSG ikibeba Kombe hilo.PSG walifunga Bao lao la kwanza katika Dakika ya 25 baada Mpira mrefu kutoka kwa Silva kumkuta Kipa David De Gea akiwa nafasi ovyo na Blaise Matuidi kuutokea na kufunga.Dakika 9 baada PSG walifunga Bao la Pili kupitia kupitia Straika wao hatari Zlatan Ibrahimovic aliepokea pasi kutoka kwa Lucas Moura na kumpa Maxwell alietumbukiza Krosi ndani ya boksi na kuunganishwa wavuni na Ibrahimovic.
Hadi Mapumziko PSG 2 Man United 0.Mechi hii ilikuwa ni mechi ya 4 na ya mwisho kwa Man United wakiwa Ziarani huko USA na walishinda mechi zao 3 za awali kwa kuziangusha Club America ya Mexico (1-0), San Jose Earthquakes ya USA (3-1) na Barcelona (3-1).Katika mchezo huo kukaba ndio ilikuwa nguzo!!
Zlatan Ibra
Michael CarrickDepayNdani ya Uwanja wa Soldier Field, Chicago, United States
Manchester United  mpaka sasa hajapata bao, Paris Saint-Germain wanaongoza bao 2-0 zilizofungwa kipindi cha kwanza dakika ya 25 na Blaise Matuidi na lilie la dakika ya 34 na  Zlatan Ibrahimovic.

Read More

Sababu ya Mbwana Samatta kugoma kujiunga na Zamalek ya Misri

Mbwana Samatta ni mshambuliaji wa kimataifa kutokea Tanzania anaeichezea klabu ya TP Mazembe ya Jamuhuri ya Kidemokrasia ya Congo ambayo alijiunga nayo mwaka 2011 akitokea Simba ya Tanzania na mpaka sasa amekua mmoja kati ya wachezaji mahiri wanaounda safu imara ya ushambuliaji kwa TP Mazembe na timu ya taifa ya Tanzania.

Samatta aliingia kwenye headlines siku kadhaa zilizopita baada ya kukataa kusajiliwa na klabu ya Zamalek ya Misri kwa euro milioni 1 kutoka TP Mazembe ambayo ni sawa na zaidi ya bilioni 2.3 za Kitanzania, kila media iliandika hii story nakuonekana kama Samatta amepoteza bahati.

Wakala wa mchezaji huyo Jamal Kasongo amezungumzia suala hilo na mpango wa Samatta licha ya kupewa ofa ya mshahara mkubwa.

 

“La kwanza ni kweli maafisa wa Zamalek wawili walifika kipindi mimi nipo na Mbwana kipindi yupo katika mechi ya timu ya taifa kimsingi mimi niliweza kukaa nao chini kuweza kufanya nao majadiliano lakini lazima mchezaji ili ufikie malengo uweze kukaa katika mstari, msimamo wa Mbwana na msimamo wangu mimi kama mshauri wake ni Mbwana kuweza kucheza Ulaya”>>>Jamal Kasongo

“Wakatuma tena ofa wako tayari kumnunua TP Mazembe kwa euro milioni 1 na euro milioni 1 ni pesa nyingi na walikuwa tayari wakimuhitaji waweze kumpa mshahara ambao hakuna mchezaji ndani ya Afrika hii anaweza akalipwa lakini bado hili suala lilikuwa gumu kwani lengo kubwa ni Mbwana kucheza Ulaya”>>>Jamal Kasongo

Read More

AZAM HAIFUNGIKI, YANGA PENALTI ‘MAAMUMA’, DAKIKA 90 ZIKIISHA KWA SARE NINI MATARAJIO?

NYASI za Uwanja wa Taifa, Dar es Salaam kesho zitakanyagika kwa mchezo wa miamba ya Jiji, Azam FC na Yanga SC katika Robo Fainali ya Klabu Bingwa Afrika Mashariki na Kati, Kombe la Kagame.
Itakuwa mara ya pili, Yanga SC na Azam FC kukutana katika Kombe la Kagame, baada ya mwaka 2012 kukutana katika fainali pale pale Uwanja wa Taifa wa Dar es Salaam.
Ilikuwa Julai 28, mwaka 2012 katika mchezo uliochezeshwa na refa Thierry Nkurunziza wa Burundi, Yanga SC ilipoibuka na ushindi wa mabao 2-0 wafungaji Hamisi Kiiza ‘Diego’ dakika ya 44 na Said Bahanunzi ‘Spider Man’ dakika ya 90 na ushei.

Mabeki wanaoweza kucheza kama viungo pia, Shomary Kapombe wa Azam FC (kulia) na Mbuyu Twite wa Yanga SC (kushoto) wakigombea mpira katika mchezo uliopita uliozikutanisha timu hizo katika Ligi Kuu. 

Iwapo dakika 90 za mchezo zitamalizika kwa sare yoyote, sharia ya mikwaju ya penaltI itachukua nafasi moja kwa moja.
Hadi kufika hatua hii, Azam FC haijafungwa hata bao moja- maana yake ni timu yenye ukuta imara zaidi katika mashindano haya hadi sasa.
Katika mechi za makundi, Yanga SC ilibahatika kupata jumla ya penalti tatu katika mechi mbili na kwa bahati mbaya, walikosa zote. 
Ikiwa nyuma kwa mabao 2-1 mbele ya Gor Mahia ya Kenya katika mchezo wa kwanza wa Kundi A, Yanga ilipewa penalti dakika za lala salama, lakini Nahodha wake, Nadir Haroub ‘Cannavaro’ akaenda kukosa.
Katika mchezo wa pili wa kundi hilo dhidi ya Telecom ya Djibouti, Yanga SC walikosa penalti mbili mfululizo, ya kwanza Amisi Tambwe na ya pili Simon Msuva zote kipindi cha kwanza. Yanga ilishinda 3-0.
Cannavaro, Tambwe na Msuva ni wachezaji wanaoaminiwa zaidi Yanga SC kwa kupiga mikwaju ya penalti, lakini kwa kushindwa kufunga kwenye mechi za makundi, maana yake hali ya kujiamini kwao binafasi imepungua.
Je, tutarajie nini iwapo mchezo utamalizika kwa sare na penalti zikapewa nafasi ya kuamua mshindi? Kesho si mbali, zimebaki saa kadhaa tu. Tuombe uzima ‘Inshaallah’. 

Read More

Waziri Mkuu Mstaafu na Mbunge wa jimbo la Monduli akiingia kwenye ukumbi wa mikutano ndani ya hotel ya Bahari Beach jijini Dar,kwenye mkutano wa Wanahabari jioni ya leo.

Waziri Mkuu Mstaafu,Edward Lowassa akizungumza na mamia wakati wa kutangaza adhima yake ya kujiunga na Chadema katika Hoteli ya Bahari Beach jijini Dar es Salaam.
Waziri Mkuu Mstaafu,Edward Lowassa akijibu maswali ya waandishi wa habari juu ya kujunga kwake katika Hoteli ya Bahari Beach leo jijini Dar es Salaam.

Mh.Waziri Mkuu Mstaafu,Edward Lowassa (mwenye umvi) akiwa na viongozi wa UKAWA katika Hoteli ya Bahari Beach leo jijini Dar es Salaam.

Mh.Edward Lowassa akiwa katika hadhara ya mamia kujibu maswali katika Hoteli ya Bahari Beach leo jijini Dar es Salaam.

Mwenyekiti wa Taifa wa Chadema,Freeman Mbowe akimpa kadi ya uanachama Mke wa Waziri Mkuu Mstaafu,Regina Lowassa leo katika Hoteli ya Bahari Beach jijini Dar es Salaam.

Mwenyekiti wa Taifa wa Chadema,Freeman Mbowe akimkabidhi kadi ya uanachama wa chama hicho,Mh.Waziri Mkuu Mstaafu,Edward Lowassa leo katika hoteli ya Bahari Beach jijini Dar es Salaam.

Mh.Lowassa akiingia kwenye Hoteli Bahari Beach kwa ajili ya kutangaza adhima yake ya kujiunga na UKAWA. Waziri Mkuu Mstaafu,Edward Lowassa ametangaza kujiunga rasmi na Umoja wa Katiba (UKAWA) kupitia Chama cha Demokrasia na Maendeleo (CHADEMA) .

Mh.Lowassa akiwa na viongozi wa UKAWA katika Hoteli ya Bahari Beach Hoteli jijini Dar es Salaam jioni ya leo mara baada ya kutangaza rasmi azma yake ya kujiunga na ukawa.

Mwenyekiti wa Taifa wa Chadema,Freeman Mbowe akiteta jambo na Waziri Mkuu Mstaafu Edward Lowassa katika Hoteli ya Bahari Beach Jijini Dar es Salaam jioni hii alipokuwa akitangaza azma yake ya kujiunga na UKAWA kupitia chama cha CHADEMA.

Read More

Mbunge wa Ilala mheshimiwa Mussa Zungu leo amefungua mashindano ya Airtel Rising Stars mkoa wa Dar es Salaam na kuwataka vijana kucheza kwa kujituma ili kuwa wachezaji bora na hatimaye kulinusuru taifa na matokeo mabaya katika medani ya kimataifa.
Zungu amelitaka Shirikisho la Mpira wa Miguu nchini (TFF) kuhakikiha kwamba timu zote za ligi kuu na daraja la kwanza zinakuwa na timu za vijana. “Kwa bahati nzuri, mashindano ya Airtel Rising Stars yamewapa fursa nzuri na ni vema makocha wa ligi kuu wakayatumia kupata vijana wenye vipaji na kuwaendeleza”, alisema.
Alisema mbali ya kuwa jukwaa la kubaini wachezaji wenye vipaji, Airtel Rising Stars pia yanawahamasisha vijana kushiriki mazoezi hivyo kuwa na afya njema ili kukabiliana na masomo yao.

Aliwaambia vijana kwamba kwa dunia ya leo mpira ni chanzo cha kutumainiwa cha ajira kwa mamilioni ya vijana ambao wanaishi maisha mazuri kwa kuwa wanalipwa mishahara mizuri.
Aliwataka viongoizi wa soka kuchagua wachezaji watakaoshiriki fainali za taifa kwa kuzingatia uwezo na siyo upendeleo wa aina yoyote. Wakati mashindano ya mkoa yakiendelea makocha watateua vijana wenye vipaji kuwakilisha mikoa yao kwenye fainali ya taifa.
Kwa upande wake Rais wa TFF Jamal Malinzi ameishukuru kampuni ya Airtel kwa kubuni programu hii ili kutumika kama jukwaa linatotumika kubaini vipaji vya wanasoka chipukizi. Alisema kuwa mashindano ya Airtel Rising stars yameifanya kazi ya TFF ya kutafuta vipaji vya soka kuwa rahisi zaidi.
Akizungumza kwenye hafla hiyo, Mkurugenzi wa IT wa Airtel Tanzania Franky Filman amewashukuru wadau wote wa soka kwa kuyaunga mkono mashindano ya Airtel Rising Stars na kuyapa umuhimu yanaostahili. Pia amewataka makocha kutumia mashindano hayo kuimarisha vikosi vyao.

Mashindano ya Airtel Rising yanajumuisha mikoa ya kisoka ya Ilala, Temeke, Ilala Morogoro, Mbeya, Mwanza na Arusha itahitimishwa kwa michuano ya taifa itakayofanyika uwanja wa kumbukumbu ya Karume jijini Dar es Salaam kuanzia Septemba 11 hadi 21.

Mbunge wa Ilala Musa Zungu akisalimiana na wachezaji wakati akifungua rasmi mashindano ya Airtel Rising Stars. Leo Jijini Dar-es-Salaam.

Mbunge wa Ilala Musa Zungu akiongea na wachezaji wakati wa ufunguzi wa mashindano ya Airtel Rising Stars Mbeya, Leo jijini Dar-es-Saam.

Mbunge wa Ilala Musa Zungu akipiga mpira kuashiria ufunguzi wa mashindano ya Airtel Rising Stars Mbeya, Leo jijini Dar-es-Saam.

Mkurugenzi wa IT wa Airtel Frank Filman akiongea wakati wa ufunguzi wa mashindano ya Airtel Rising Stars Mbeya, Leo jijini Dar-es-Saam.

Read More

DONALD NGOMA TISHIO KWELI KUELEKEA YANGA NA AZAM FC KESHO ROBO FAINALI KAGAME

Donald Ngoma aliyesajiliwa Yanga SC mwezi uliopita kutoka FC Platinum ya kwao Zimbabwe anatarajiwa kuwa mwiba kwa safu ya ulinzi ya Azam FC kesho

Na Mahmoud Zubeiry, DAR ES SALAAM
WAKATI kesho Azam FC na Yanga SC zinakutana Uwanja wa Taifa, Dar es Salaam katika Robo Fainali ya Klabu Bingwa Afrika Mashariki na Kati, Kombe la Kagame, mchezo huo umekuwa gumzo kubwa.
Hiyo itakuwa mara ya pili, Yanga SC na Azam FC kukutana katika Kombe la Kagame, baada ya mwaka 2012 kukutana katika fainali pale pale Uwanja wa Taifa wa Dar es Salaam.
Ilikuwa Julai 28, mwaka 2012 katika mchezo uliochezeshwa na refa Thierry Nkurunziza wa Burundi, Yanga SC ilipoibuka na ushindi wa mabao 2-0 wafungaji Hamisi Kiiza ‘Diego’ dakika ya 44 na Said Bahanunzi ‘Spider Man’ dakika ya 90 na ushei.
Moja kati ya mambo yanayozungumzwa sana kuelekea mchezo huo ni juu ya mshambuliaji mpya wa Yanga SC, Mzimbabwe Donald Ngoma aliyesajiliwa mwezi uliopita kutoka Platinum FC ya kwao.
Katika mechi nne ambazo Ngoma ameichezea Yanga SC hadi sasa amefunga mabao matatu, mawili katika mechi za kirafiki moja katika Kombe la Kagame.
Lakini Ngoma ameonyesha ni mshambuliaji mpya hatari kwa mabeki kwenye safu ya mbele ya Yanga SC, kwani ana kasi, nguvu na uwezo wa kumiliki mpira.
Anarukia mipira ya juu, ana nguvu akiwa hewani kiasi kwamba ni vigumu mabeki kumdhibiti- huo ni mtihani haswa kwa safu ya ulinzi ya Azam FC kesho.
Bahati mbaya, Ngoma ameonyesha ni mchezaji mwenye hasira, baada ya kutolewa kwa kadi nyekundu katika mchezo wa kwanza tu dhidi ya Gor Mahia na kuponza timu yake kulala 2-1.
Ilikuwa ni kadi ya pili ya njano, baada ya kumsukuma kwa nguvu kama anapiga ngumi mchezaji wa Gor Mahia, aliyetaka kumtumia kama ngao ya kuinuka baada ya wote wawili kuangukia nje ya Uwanja wakati wakigombea mpira.
Na katika mechi kubwa kama hizi, wachezaji wengine huwafanyia wachezaji wa timu pinzani mambo ya kuudhi na yenye kuzalisha hasira.
Kama wachezaji wa Azam FC watafanya mpango wa kumtia hasira Ngoma arudie makosa ya kwenye mechi ya ufunguzi dhidi ya Gor, utakuwa mtihani kwa Mzimbabwe huo.
Yote kwa yote, Ngoma ni mchezaji ambaye hata benchi la Ufundi la Azam FC chini ya kocha Mkuu, Muingereza Stewart Hall linajua ni hatari.
Lakini je, Ngoma ataweza kuupenya ukuta wa Azam FC, ambao hadi sasa haujaruhusu bao hata moja katika mashindano haya? Bila shaka dakika 90 za mchezo wa kesho zitatoa majibu.

Read More

HAMISI KIIZA 'DIEGO' AFUNGUA AKAUNTI YA MABAO SIMBA SC

Hamisi Kiiza (jezi namba tano) akipongezwa na wenzake jana baada ya kufunga

MSHAMBULIAJI wa kimataifa wa Uganda, Hamisi Friday Kiiza ‘Diego’ jaja amefunga bao lake la kwanza akiichezea kwa mara ya kwanza klabu yake mpya, Simba SC katika mchezo wa kirafiki dhidi ya Kombaini ya Zanzibar.
Katika mchezo huo wa kirafiki uliofanyika Uwanja wa Amaan, Zanzibar Simba SC ikicheza kwa mara ya kwanza chini ya kocha wake mpya, Muingereza Dylan Kerr iliibuka na ushindi wa mabao 2-1.
Bao lingine la Simba SC lilifungwa na Nahodha mpya wa klabu hiyo, Mussa Hassan Mgosi.

Read More