SIMBA SC YATOKA KAPA KWA KVZ, SARE 0-0

SIMBA SC imelazimishwa sare ya bila kufungana na KVZ usiku huu Uwanja wa Amaan, Zanzibar katika mchezo wa kirafiki.
Kocha Muingereza, Dylan Kerr hakumtumia kabisa mshambuliaji mpya, Msenegali Pape Abdoulaye N’daw na kwa mara ya kwanza leo alimuanzisha Joseph Kimwaga aliyesajiliwa kwa mkopo kutoka Azam FC.
Mshambuliaji Mganda Hamisi Kiiza aliisumbua mno ngome ya KVZ, lakini akashindwa kufunga bao, huku kipa Vincent Angban akiokoa michomo kadhaa ya hatari.
Kikosi cha Simba SC kilikuwa; Vincent Angban/Dennis Richard, Emery Nimubona/Hassan Kessy, Hussein Rashid, Said Issa, Samih Nuhu, Justuce Majabvi, Issa Ngoa, Peter Mwalianzi/Danny Lyanga, Joseph Kimwaga/Mwinyi Kazimoto na Hamisi Kiiza/Awadh Juma.
KVZ; Ayoub Bakari, Emil Wiliam, Juma Abdallah/Abdillahi Seif, Iddi Mgeni, Makame Ali, Suleiman Abdulsalam, Masoud Abdallah, Isihaka, Salum Akida, Nasir Bakari na Abbas Abdallah.