Siku 3 kabla usajili kufungwa – Neymar ameyasema haya kuhusu kujiunga na Man United

Yakiwa yamebakia masaa takribani 72 kabla ya dirisha la usajili barani ulaya kufungwa, winga wa kibrazil Neymar ambaye amekuwa akihusishwa na kujiunga na Man United hatimaye ametoa kauli yake.
 
Akizungumza baada ya mchezo wa ushindi wa 1-0 wa Barcelona dhidi ya Malaga, Neymar alisema: ‘Ningependa na nataka kuendelea kubaki Barcelona, haijalishi ofa ya mamilioni mangapi ya paundi kutoka England,’ aliiambia TV3.
‘Watu wangu wa Barca wanaweza kutulia na kuwa na amani.
‘Pale ninaposikia tetesi za kuhama kwangu, huwa sifikirii chochote. Huwa nasikiliza kisha naendelea na shughuli zangu. Nina furaha sana kuwepo Barca na wachezaji wenzangu.’ 
Neymar, 23, anatarajia kuongezewa mkataba wa miaka 5 huku akiwa kipengele cha kuuzwa endapo timu inayomtaka italipa kiasi cha  €250million (£182m).

Read More

Kevin De Bruyne kavunja rekodi ya Raheem Sterling Manchester City

Klabu ya Manchester City ya Uingereza ambayo ilikuwa ni moja kati ya vilabu vingi vilivyo kuwa vikihusishwa na kumsajili kiungo mshambuliaji wa kimataifa wa Ubelgiji na klabu ya Vfl Wolfsburg ya Ujerumani Kevin De Bruyne, August 30 imetangaza kumsajili rasmi.

De Bruyne ambaye ana umri wa miaka 24 alisajiliwa muda mchache baada ya kufanyiwa vipimo vya afya, amejiunga katika klabu hiyo kwa mkataba wa miaka sita, Kuwasili Etihad kwa Kevin De Bruyne kunaweka rekodi mpya ya klabu hiyo kwani ndio atakuwa mchezaji wa gharama zaidi katika klabu hiyo.

De Bruyne amejiunga na Man City kwa ada ya uhamisho wa pound milioni 54 na kuvunja rekodi ya usajili wa klabu hiyo kwani kabla ya kuwasili klabuni hapo, Raheem Sterling ndio alikuwa mchezaji aliyesajiliwa kwa pesa nyingi zaidi, dau la pound milioni 49 lilitosha kumtoa Liverpool na kumleta Etihad.

Uhamisho wa kiungo huyo wa kibelgiji bado unakuwa haujavunja rekodi ya usajili ya wachezaji Uingereza kwani hadi sasa Man United ndio klabu pekee ambayo bado inashikilia rekodi ya usajili kwa dau kubwa baada ya kutumia pound milioni 59.7 kumleta Angel di Maria akitokea Real Madrid ya Hispania msimu uliopita.

Read More

Kocha Mkuu wa timu ya Tanzania (Taifa Stars) inayodhaminiwa na bia ya Kilimanjaro, Charles Mkwasa amesema vijana wake wapo tayari kuwavaa Nigeria Septemba 05, 2015 katika mchezo wa kuwania kufuzu kwa fainali za AFCON mwaka 2017.

Mkwasa ambaye yupo nchini Uturuki na kikosi cha timu ya Taifa kambini kwa mazoezi ya takriban wiki moja, amesema vijana wameonyesha mabadiliko makubwa baada ya kupata wiki moja ya mazoezi ya pamoja.
“Mazoezi wanayofanya hapa yamewajenga stamina, unaweza kuona wanacheza kwa nguvu muda wote, wanakaba na kushambulia kwa pamoja, hii ni dalili nzuri ya vijana kuelekea katika mchezo huo dhidi ya Nigeria”amesema Mkwasa.
Kocha huyo wa timu ya Taifa amesema timu yake imefanya mazoezi katika nyanja zote ikiwemo mazoezi ya kujenga mwili na kucheza mpira wa kasi.
Aidha Mkwasa amesema kambi hiyo imekua na faida kubwa sana kiufundi, kufuatia kupata nafasi ya kukaa sehemu tulivu na wachezaji kuwapa mazoezi ambayo waliyapanga katika program hiyo ya kambi nchini Uturuki.

Taifa Stars imeendelea na mazoezi leo asubuhi, na inatarajiwa kufanya mazoezi yake ya mwisho kesho siku ya jumatau, kabla ya kuanza safari ya kurejea nyumbani Tanzania kwa maandalizi ya mwisho ya mchezo huo.

Read More

FULL TIME: SWANSEA CITY 2 vs 1 MANCHESTER UNITED,

2-1Ayew akikatiza baada ya kuifunga bao la kusawazishaGomis  dakika ya 65 aliwapachikia bao la pili na kufanya 2-1 dhidi ya Man United.

Kama ilivyokuwa Msimu uliopita, Leo tena Swansea City wametoka nyuma kwa Bao 1 na kuifunga Manchester United Bao 2-1 na kuishushia kipigo chao cha kwanza kwenye Ligi Kuu England kwa Msimu huu mpya.
Hadi Mapumziko, Mechi hii iliyochezwa huko Liberty Stadium, ilikuwa 0-0.
Dakika 3 tu baada ya Kipindi cha Pili kuanza Juan Mata aliipa Man United Bao ikiwa ni zawadi kwa kuitawala Mechi hii yote.
Hadi Daki ya 60 Man United walionekana ni washindi lakini Dakika 1 baadae Mchezaji wa Kimataifa wa Ghana, Andre Ayew, akaisawazishia Swansea na Dakika 5 baadae, Mtu wao hatari, Bafetimbi Gomis akawapa Bao la Pili na la ushindi.
A. Ayew kipindi cha pili aliwasawazishia bao Swansea kwa kichwa dakika ya 61 na kufanya 1-1.

Kipindi cha pili dakika ya 48 juan mata aliwapachikia bao la kuongoza Man United na kufanya 1-0 dhidi ya Swansea City. Shaw alipiga krosi iliyompata Rooney kwa kuugusa na hatimae Juan Mata kuunganisha moja kwa moja ndani ya nyavu za Swansea City.Cgupuchupu Swansea wapate bao hapa kipindicha kwanza! Kipindi cha kwanza kimemalizika hakuna aliyeliona lango la mwenzake, Ngoma ilimalizika 0-0 s Man United wala Swansea.
Swansea City wanahitaji Ushindi tena leo hii dhidi ya Man United, Je wataweza?
Depay akiendesha mpira.
Ligi Kuu England sasa inasimama kupisha Mechi za Kimataifa na itarejea tena Septemba 12 na Man United wapo kwao Old Trafford kupambana na Mahasimu wao wa Jadi Liverpool ambao Jana wakiwa kwao Anfield walinyukwa 3-0 na West Ham.VIKOSI:
Swansea wanaoanza 11: Fabianski, Naughton, Fernandez, Williams, Taylor, Cork, Shelvey, Sigurdsson, Ayew, Routledge, Gomis
Akiba: Nordfeldt, Rangel, Bartley, Tabanou, Ki Sung-Yueng, Dyer, Eder
Manchester United wanaoanza 11: Romero, Darmian, Smalling, Blind, Shaw, Schneiderlin, Schweinsteiger, Mata, Herrera, Memphis, Rooney
Akiba: Johnstone, McNair, Valencia, Carrick, Young, Fellaini, Chicharito

Read More

Read More

Yaya Toure analipwa pauni 220,000 akiwa na kikosi chake cha Manchester, hali ambayo inaonyesha kuumiza mioyo mingi ya Wazungu hasa Waingereza ingawa hawana kipaji kama chake.

Toure analipwa pauni 17,251 kwa siku ambayo ni sawa na Sh milioni 51 kwa shilingi ya Tanzania.

Si kwamba Toure analipwa tu, kazi yake ni ngumu kweli na imeendelea kuwa bora. Picha hizi mbili katika mechi dhidi ya Watford jana, zinaweza kuwa uthibitisho kwamba Braza anapambana kweli na anastahilia anacholipwa.

Angalia anavyochukua mkwanja kwa wiki, siku, saa. 

 MSHAHARA WA YAYA TOURE ULIVYO

 £220,000 kwa wiki

 £121,758 baada ya kodi kwa wiki

 £17,251 kwa siku

 £718.80 kwa saa

 £11.98 kwa dakika

Read More

MANCHESTER CITY (4-2-3-1): Hart 6; Sagna 6.5, Mangala 6, Kompany 6, Kolarov 6; Fernandinho 6, Toure 6.5; Sterling 7.5 (Iheancho 90), Silva 8 (Delph 75 6), Navas 5.5 (Nasri 45 6); Aguero 6.5 

Subs not used: Caballero, Demichelis, Roberts, Maffeo Becerra, Iheanacho

Scorers: Sterling 47, Fernandinho 56

Booked: Kompany

WATFORD (4-2-3-1): Gomes 6; Nyom 7, Prodl 6, Catchcart 6.5, Holebas 6.5; Behrami 7, Capoue 7 (Watson 76 6), Abdi 6 (Anya 63 6); Ighalo 6 (Layun 72 6), Jurado 6, Deeney 6

Subs not used: Arlauskis, Hoban, Diamanti, Vydra

Booked: Nyom, Prodl

Referee: Mark Clattenburg

30 Aug 2015

Read More

Na Saleh Ally, Kartepe

Kikosi cha Taifa Stars sasa kitaendelea na mazoezi mara moja tu kwa siku kwa siku zote zilizobaki za kambi yake hapa nchini Uturuki.

Stars imeweka kambi ya siku nane hapa Kartepe, Uturuki kujiandaa na mechi yake dhidi ya Nigeria itakayopigwa Septemba 5 jijini Dar es Salaam.

Kocha Mkuu wa Stars, Charles Boniface Mkwasa amesema watakuwa wakifanya mazoezi mara moja kwa siku wakiwa wamelenga zaidi masuala ya ufundi.

“Sasa tunaangalia ufundi zaidi huku kidogokidogo tunatunza fitness. Pia hatuwezi kufanya mazoezi makali sana kama ilivyokuwa mwanzo kwa kuwa tunakwenda kwenye mechi,” alisema Mkwasa.

Read More

 Mgombea Mwenza wa Urais kwa tiketi ya CCM, Mama Samia, akiwahutubia wananchi katika mkutano huo leo

 Umati wa wananchi ukimsikiliza Mgombea ubunge wa jimbo la Singida Kaskazini, Lazaro Nyalandu, alipohutubia katika mkutano wa kampeni wa mgombea Mwenza wa Urais kwa tiketi ya CCM, Mama Samia, katika eneo la Msange, Singida Kaskazini, leo.

 Mgombea Mwenza wa Urais kwa tiketi ya CCM, Mama Samia Suluhu Hassan akimnadi Mgombea Ubunge Singida Kaskazini, Lazaro Nyalandu, katika mkutano uliofanyika katika jimbo hilo leo. 

 Umati wa wananchi ukimsikiliza Mgombea Mwenza kwa tiketi ya CCM, Mama Samia Suluhu alipohutubia mkutano wa kampeni katika eneo la Msange, Singida Kaskazini, leo.

Read More

RAIS KIKWETE AZINDUA KAMPENI YA MAMA ONGEA NA MWANAO

Wasanii wa Filamu nchini Wema Sepetu na Steven Nyerere wakimkaribisha Mwenyekiti wa CCM Rais Dkt.Jakaya Mrisho Kikwete katika Hoteli ya Kilimanjaro Kempinski jijini Dar es Salaam kuzindua Kampeni ya Mama Ongea na Mwanao illi aipigie kura CCM.Kampeni hiyo imeratibiwa na Wasanii wa filamu wakuongozwa Wema Sepetu na Steven Nyerere.

Msanii wa Filamu Bi.Wema Sepetu akimkabidhi Rais Dkt.Jakaya Mrisho Kikwete tuzo maalum kwa kutambua mchango wake katika kulinda na kuthamini kazi za wasanii nchini ambapo katika kipindi chake cha uongozi wamepata manufaa makubwa.Wema alikabidhi tuzo hiyo kwa niaba ya  baadhi wasanii wa filamu na Muziki nchini wanaoshiriki katika kampeni ya Mama Ongea na Mwanao yenye lengo la kuwahimiza wanawake kuwahimiza watu kuipigia kura CCM kwa kuwachagua wagombea wake katika uchaguzi mkuu mwaka huu.

Mwenyekiti wa CCM Rais Dkt.Jakaya Mrisho Kikwete akitoa hotuba yake ya ufunguzi wa Kampeni ya Mama Ongea na Mwanao.

Read More

UKAWA WAZINDUA KAMPENI ZAO JANGWANI JIJINI DAR

Mgombea urais kwa tiketi ya Chadema kupitia Ukawa, Mh Edward Lowassa akiongea na wakazi wa jiji la Dar waliojitokeza katika uzinduzi wa Kampeni za Ukawa katika viwanja vya Jangwani mapema leo.Mh Lowassa amesema kipaumbele chake kimoja wapo ni Elimu huku akisisitiza kuwa kampeni zao zitakuwa ni za busara na hekima bila kutumia matusi.

Mke wa Mgombea Urais kupitia Chadema chini ya mwamvuli wa Ukawa, Mama Regina Lowassa akitoa salamu kwa wakazi wa Jiji la Dar Waliojitokeza katika uzinduzi wa kampeni za Ukawa katika viwanja vya Jangwani leo.

Mgombea mwenza wa urais wa Jamhuri ya Muungano wa Tanzania, Mh Duni Haji akihutubia maelfu ya wakazi wa jiji la Dar waliojitokeza kushuhudia uzinduzi wa Kampeni za Ukawa leo katika viwanja vya Jangwani

Mwenyekiti wa Chadema, Mh Freeman Mbowe akiwasalimu wakazi wa jiji la Dar Waliojitokeza katika uzimduzi wa Kampeni za Ukawa zilizofanyika Jangwani leo.

Mwenyekiti wa Chadema Taifa, Mh Freeman Mbowe (wa kwanza kulia) akiwa na wagombea urais kwa Upande wa Zanzibar na Upande Wa Bara na mgombea mwenza bara wakionyesha Kitabu chao cha Ilani ya Uchaguzi mwaka 2015 katika uzinduzi wa kampeni za ukawa uliofanyika katika viwanja vya jangwani.

Halima Mdee akihutubia

 

 Wagombea Ubunge katika majimbo ya Dar Es Salaam wakitambulishwa mbele ya wakazi wa jiji la Dar waliojitokeza kwa wingi katika uzinduzi wa Kampeni za Ukawa leo zilizofanyika katika Uwanja wa Jangwani.

 Mgombea ubunge wa jimbo la Kisarawe kwa tiketi ya CUF Kingwendu akisikiliza hotuba ya mgombea urais kwa tiketi ya Chadema chini ya Mwamvuli ya Ukawa

 Mwenyekiti wa NCCR Mageuzi, Mh James Mbatia akihutubia maelfu ya wakazi wa jiji la Dar Waliojitokeza leo katika uzinduzi wa Kampeni za Ukawa jangwani jijini Dar

 Waziri Mkuu mstaafu wa awamu ya tatu, Mh Fredrick Sumaye akihutubia wakazi wa jiji la Dar waliofika katika viwanja vya Jangwani wakati wa uzinduzi wa kampeni za Ukawa

 Umati wa watu waliojitokeza katika uzinduzi wa kampeni za Ukawa katika viwanja vya jangwani leo

 Mgombea Urais kwa tiketi ya Chadema na Mgombea Mwenza wakiwaaga watanzania waliojitokeza katika viwanja vya jangwani katika uzinduzi wa kampeni za Ukawa

Moja ya kifaa cha Kisasa kabisa aina ya Drone ambacho kilikua kikitumika kupiga picha kutoka anagani ambacho kimekuwa kivutio kikubwa kabisa kwa wakazi wa jiji la Dar Es Salaam leo katika viwanja vya jangwani .Picha zote na Josephat Lukaza wa Lukaza Blog

Read More