Wakicheza Ugenini Goodison Park, Man City walitoka nyuma kwa Bao 1-0 na kuifunga Everton Bao 3-2 na kutwaa Uongozi wa Ligi Kuu England kwa kuwakamata Liverpool kwa Pointi na wao kuongoza kwa ubora wa Magoli huku Mechi zimebaki 2 Ligi kwisha. Dakika ya 11 kipindi cha kwanza Everton walipata bao kupitia kwa Barkley baada ya kupiga mpira kwenye umbali wa yadi 25 na kuzama mpaka nyavuni mwa lango la Manchester City.
Dakika ya 22 Aguero alisawazisha bao  kwa timu yake City na kufanya 1-1. Lakini muda kidogo aliumia na kulazimika kutolewa nje na nafasi yake ilichukuliwa na Fernandinho katika dakika 28.Aguero akichekiwa na docta wa timu kuona kama ataendelea au la!!

Edin Dzeko dakika ya 43 anaongeza bao la pili na kufanya 2-1 dhidi ya wenyeji Everton na mpira kwenda mapumziko City ikiwa mbele ya bao 1.

Dakika mbili kupita kutoka mpira uanze kipindi cha pili dakika ya 47 City wakapata bao la tatu lililofungwa na Edin Dzeko tena na akifanya 3-1.Kipa wa City nae alishangilia bao hilo!
Everton hawakubweteka walitafuta bao na dakika ya 65 Lukaku aliwapachikia bao na kubadilisha matokeo kuwa 3-2.

Ushindi huu wa bao 3-2 City wamepanda kileleni wakiwa na pointi 80 wakilingana na Majogoo Liverpool wakitofautiana mabao ya kufunga.Kipigo hiki kimeondoa matumaini ya Everton kucheza UEFA CHAMPIONS LIGI Msimu ujao na kuipa nafasi hiyo Arsenal.Lukaku akifunga bao la pili
Sasa City wamebakisha michezo miwili tuu nayo ni ya Nyumbani kwake Etihad msimu kumalizika, Timu hizo ni Aston Villa tarehe 7 mwezi huu wa tano na mechi ya mwisho ni tarehe 11 na watawakaribisha tena West Ham United.
michezo mingi kwa City itakuwa ya kujipima nayo itapigwa mwezi saba na wamepanga kucheza na Milan na Liverpool.


MABINGWA WATARAJIWA - MITANANGE WALIOBAKIWA NAYO!

CHELSEA
Mei 4: Chelsea v Norwich
Mei 11: Cardiff v Chelsea

LIVERPOOL 
Mei 5: Palace v Liverpool
Mei 11: Liverpool v Newcastle

MANCHESTER CITY 
Mei 7: City v Aston Villa
Mei 11: Man City v West  Ham United

Read More

Napoli wameichapa Fiorentina Bao 3-1 na kutwaaTaji lao la 5 la Coppa Italia kwenye Fainali iliyochelewa kuanza kwa Dakika 45 kufuatia Mashabiki Watatu kupigwa risasi karibu ya Stadio Olimpico Mjini Rome, Italia ambako Fainali hiyo ilichezwa.

Bao mbili za Mchezaji wa Kimataifa wa Italy, Lorenzo Insigne, ziliifanya Napoli iende Mapumziko ikiwa Bao 2-1 mbele huku Bao la Fiorentina likifungwa na Juan Manuel Vargas.

Dries Mertens aliifungia Napoli Bao la 3 katika Dakika za Majeruhi.
Napoli walimaliza Mechi hii wakiwa Mtu 10 baada Mchezaji wao Gokhan Inler kutolewa kwa Kadi Nyekundu katika Dakika ya 79 baada ya kulambwa Kadi za Njano 2.

Mechi hii ilikuwa hatarini kufutwa kufuatia Mashabiki Watatu kupigwa risasi kutokana na vurugu za Mashabiki.

Kocha wa Napoli, Rafa Benítez, aliongea baada ya Mechi: “Ilikuwa Mechi safi. Tulianza vyema lakini walipopata Bao lao na sisi kuwa Mtu 10 ilibidi tujikaze tushinde.”

Hii ni mara ya 5 kwa Napoli kutwaa Coppa Italia na mara ya mwisho ni Mwaka 2012.

Read More