Uongozi wa Young Africans SC umepata warithi wa nafasi tatu za benchi la ufundi (Charles Boniface Mkwasa, Juma Pondamali na Dr. Suphian Juma), huku wakiendelea na mchakato kumpata kocha mkuu ambaye atachukua nafasi ya mholanzi Ernie Brandts aliyesitishiwa mkataba wake mwishoni mwa mwaka 2013.

Charles Boniface Mkwasa 'Master' aliyekua kocha mkuu wa timu ya Ruvu Shooting katika mzunguko wa kwanza anachukua nafasi ya aliyekua kocha msaidizi Fred Felix "Minziro" ambaye muda wake umemalizika mwishoni mwa mwaka 2013.

Mkwasa ambaye aliichezea Young Africans miaka ya 80's kwa kiwango cha hali juu pia alishawahi kuwa Kocha Mkuu/Msaidizi kwa kikosi cha Jangwani kwa vipindi tofauti jambo ambalo linamfanya aiwe mgeni katika mitaa ya Twiga na Jangwani.

Kocha wa makipa wa timu ya Taifa Tanzania "Taifa Stars" Juma Pondamali "Mensah" anachukua nafasi ya aliyekua kocha wa makipa mkenya Razaki Siwa ambaye pia alistishiwa mkataba wake mwishoni mwa mwaka 2013.

Pondamali golikipa aliyeichezea Yanga miaka ya 80's kwa kwa kiwango cha hali ya juu hata kufikia kuwa katika kikosi cha Tanzania kilichoshiriki mashindano ya Mataifa Afrika nchini Nigeria mwaka 1980, sio mgeni katika timu ya Young Africans kwani awali alishwahi kuwa kocha msaidizi kwa vipindi tofauti.

Dr Suphian Juma anachukua nafasi ya Dr Nassoro Matuzya ambaye pia alisitishiwa ajira yake mwishoni mwa mwaka 2013 pamoja benchi la Ufundi.

Mara baada ya kuwapata viongozi hao watatu wa Benchi la Ufundi kikosi cha Young Africans kesho kitaanza mazoezi jioni katika Uwanja wa Bora Kijitonyama kujiandaa na mzunguko wa pili wa Ligi Kuu ya Vodacom pamoja na mashindano ya Kimataifa huku kocha Mkwasa akiongoza benchi hilo la Ufundi mpaka atakapopatikana kocha mkuu ambaye watafanya watafanya kazi kwa pamoja.

Read More

RATIBA FA CUP: MWAKA MPYA 2014,

Mitanage raundi ya tatu ya Kombe la zamani kabisa Duniani, FA CUP, zitachezwa Wikiendi hii, Jumamosi na Jumapili, na hii ndio hatua ambayo Klabu za Ligi Kuu England ndio zinaanza Mashindano haya huku BIGI MECHI ni ile Dabi ya London Kaskazini itakayochezwa Jumamosi Uwanjani Emirates kati ya Arsenal na Tottenham.
Mabingwa wa England, Manchester United, Jumapili watakuwa kwao Old Trafford kucheza na Swansea City na Siku hiyo hiyo Chelsea wako Ugenini kuivaa Derby County na Man City wako Ugenini Siku ya Jumamosi kucheza na Blackburn Rovers.
Jumapili, Liverpool watakuwa Anfield kucheza na Mshindi kati ya Oldham.
Awali kulikuwa na Raundi zilizoshirikisha Timu za Madaraja ya chini na hata Timu ambazo hazipo kwenye Ligi rasmi.

Timu ambazo hazimo kwenye Ligi na ambazo zimetinga Raundi ya Tatu ni pamoja na Grimsby Town, Kidderminster Harriers na Macclesfingeld Town.

RATIBA RAUNDI YA TATU

Mapema JUMAMOSI

15:45 Blackburn v Manchester City

Mechi zote zinazofuata ni Saa 18:00

Bournemouth v Burton

Ipswich v Preston

Grimsby v Huddersfield

Brighton v Reading

Everton v QPR

Bolton v Blackpool

Macclesfield v Sheffield Wednesday

Aston Villa v Sheffield United

Norwich v Fulham

Charlton v Oxford United

Wigan v MK Dons

Rochdale v Leeds

Newcastle v Cardiff

Southampton v Burnley

Stoke v Leicester

Doncaster v Stevenage

Kidderminster v Peterborough

West Brom v Crystal Palace

Middlesbrough v Hull

Southend v Millwall

Bristol City v Watford

Liverpool v Oldham

Yeovil v Leyton Orient

Barnsley v Hartlepool au Coventry

2015 Arsenal v Tottenham

Jumapili Januari 5

1500 Nottingham Forest v West Ham

1700 Sunderland v Carlisle

1715 Derby v Chelsea

1800 Liverpool v Oldham

1800 Port Vale v Plymouth

1930 Manchester United v Swansea

Read More