HUYU NDIE MTOTO ALIYENUSURIKA KWA MKONO WA MUNGU KATIKA AJALI YA IRINGA ILIYOUWA WATU 50

BADO Mji wa Mafinga wilayani Mufindi mkoani hapa haujakaa sawa kufuatia vifo vya watu 50 waliopoteza maisha kwa ajali ya kontena kudondokea Basi la Majinja lenye namba za usajili T 438 CED iliyotokea Machi 11, 2015, Uwazi limechimba.

Mtoto aliyenusurika kwenye ajali.

Ajali hiyo ilitokea maeneo ya Changarawe mjini Mafinga ambapo kontena hilo lilikuwa kwenye lori la mizigo la Scania lenye namba za usajili T 689 APJ mali ya Kampuni ya Cipex lililokuwa likitokea Dar kwenda Mbeya huku basi hilo likitokea Mbeya kuelekea Dar.

KILICHOTOKEA BAADA YA AJALI

Kilichotokea baada ya ajali hiyo ni kuonekana kwa Mkono wa Mungu ambapo mtoto anayekadiriwa kuwa na umri wa mwaka mmoja mpaka miwili kunusurika katika ajali hiyo huku watu 50 wakipoteza maisha.

“Mimi naweza kusema ni Mkono wa Mungu kwa sababu, yule mtoto alikutwa hajaumia popote lakini wazazi wake wakiwa wamepoteza maisha. Huoni kama ni uwezo wa Mungu mwenyewe?” alisema askari polisi mmoja aliyekuwa miongoni mwa waliokuwa wakisimamia zoezi la uokoaji.

WAZAZI WA MTOTO

Akisimulia ilivyokuwa kwa wazazi wa mtoto huyo ambaye jina lake halijajulikana, mmoja wa abiria walionusurika, Aidan alisema kuwa, kabla ya kuanza safari jijini Mbeya, mtoto huyo alibebwa na mama yake akiwa ameongozana na abiria wengine.

Muonekano wa kontena lililosababisha ajali hiyo.

“Wazazi wa mtoto waliingia na kukaa siti ya tatu tu kutoka kwa dereva. Hakuna aliyehisi kwamba mbele ya safari kuna janga kubwa kama hili.“Basi lilianza safari, kila abiria alikuwa akizungumza na mwenzake, wengine walikuwa wakiongea na simu. Wapo waliokuwa wakichati, nadhani ni wale wanaotumia WhatsApp. Kumbe bwana shetani alikuwa anatembea na sisi,” alisema abiria huyo akiwa kwenye Hospitali ya Wilaya ya Mufindi.

KABLA YA AJALI

Kwa mujibu wa majeruhi mwingine wa ajali hiyo, baada ya kufika eneo la Changarawe, kwa mbele lilionekana lori hilo likiwa katika mwendo wa kawaida na hakuna aliyewaza kwamba litaangukia basi lao.

“Mbele tuliliona lile lori likija, lakini mimi nimekuwa nikisafiri mara kwa mara kwa kutumia barabara hiyo. Najua eneo hilo lina shimo lakini sikuwa na wazo kwamba shimo lile litakuwa mtoa roho wa abiria wa basi letu.

“Wakati tunapishana sasa, lori linapita kulia kwetu, mimi nilikaa siti ya nyuma upande wa abiria. Ghafla nilishtuka kuona kama giza linatanda upande wa dereva, mara nikasikia watu wakianza kulia.

“Kabla sijajua ni nini, nikasikia kishindo kikuu. Puuu! Abiria wengine walisikika wakisema wanakufa, wengine wakiwa kimya! Ndipo nikajua tumeangukiwa na kontena lakini sikuweza kufuatilia ilikuaje kwani akili zikawa kama zimeniruka,” alisema abiria huyo bila kutaja jina lake.

Mabaki ya basi la Majinja baada ya ajali.

KILICHOMTOKEA MTOTO HUYO

Baadhi ya waokoaji waliofika mapema mara baada ya ajali hiyo waliliambia Uwazi kwamba, wakati wanahangaika kuitoa miili ya majeruhi na marehemu, walishangaa kumkuta mtoto huyo akiwa chini ya siti ya nyuma kabisa maarufu kwa jina la ‘kwa balozi’, akiwa hana michubuko.

“Baadhi ya abiria walionusurika wakatuambia huyu mtoto alikaa na wazazi wake kwenye siti ya tatu kutoka kwa dereva. Sasa amefikaje kule nyuma kwa balozi? Nadhani anayejua ni Mungu.“Unajua watoto wadogo wana mkono unaowalinda. Mara nyingi katika ajali wao wanasalimika kwa njia ya ajabu sana,” alisema askari mmoja wakati wa uokoaji.

Picha ya mtoto huyo ilipigwa na mpiga picha Francis Godwin kwenye Wadi Namba 3 kwa kusaidiwa maelekezo na polisi wa kike na muuguzi mmoja aliyekuwa na orodha ya watu walionusurika. Watu wengine wawili kitandani hapo walikuwa ni wasamaria wema waliokuwa wakimsaidia mtoto huyo ambapo wazazi wake wanasadikiwa walipoteza maisha.

Polisi wakiwa eneo la tukio.

MGANGA MKUU NA MKUU WA MKOA

Juzi, Uwazi lilizungumza na Mganga Mkuu wa Mkoa wa Iringa, Salimin Mahimbo kuhusu ajali hiyo ambapo alisema mpaka sasa, majeruhi waliolazwa ni saba baada ya mmoja kufariki dunia na majeruhi mwingine kupelekwa Hospitali ya Taifa Muhimbili (MNH) kutokana na hali yake kuzidi kuwa mbaya.

“Mpaka sasa tuna majeruhi saba tu, mmoja alifariki dunia. Mmoja amekimbizwa Muhimbili kwa matibabu zaidi, hali yake si nzuri, hawa saba wanaendelea vizuri,” alisema Mahimbo.Naye Mkuu wa Mkoa wa Iringa, Amina Masenza alisema mpaka juzi, marehemu wote walishatambuliwa na ndugu zao na waliolazwa wametambuliwa pia.

Read More

Arsenal Leo hii huko Stade Louis II Jijini Monaco Nchini France wana kibarua kigumu cha kupindua historia kwa kufuta kipigo cha Bao 3-1 cha Mechi ya Kwanza ya Raundi ya Mtoano ya Timu ya UEFA CHAMPIONS LIGI walichopewa na AS Monaco ili kufuzu kucheza Robo Fainali.
Katika historia ya Mashindano haya, hakuna Timu iliyomudu kufuta kipigo cha tofauti ya Bao 2 walichopewa katika Mechi ya Kwanza Nyumbani kwao na kufuzu katika Mechi ya Pili ya Ugenini.
Mbali ya hilo, Arsenal hii Leo wanaivaa AS Monaco, chini ya Kocha makini Leonardo Jardim, ambayo haijafungwa Uwanja wa kwao Stade Louis II kwenye Mechi za Ulaya tangu 2005.
Pia, AS Monaco wana Difensi kigaga ambayo imeruhusu Bao 7 tu katika Mechi zao 22 zilizopita.
Mbali ya vikwazo vyote hivyo, Arsene Wenger, Meneja wa Arsenal aliewahi kuifundisha AS Monaco, anajiamini kuwa Timu yake itashinda na kufuzu.
Jumatano Barcelona wanaikaribisha Man City huko Nou Camp huku Barca wakiwa mbele kwao 2-1 walizopata huko Etihad.
Nao Borussia Dortmund wako kwao Signal Iduna Park Jijini Dortmund kujaribu kuwatoa Mabingwa Italy Juventus walioshinda 2-1 katika Mechi ya kwanza.
Theo Walcott na Alexis Sanchez kwenye mazoezi
Danny Welbeck
Giroud na Hector
UEFA CHAMPIONS  LEAGUE
RATIBA
Marudiano - Raundi ya Mtoano ya Timu 16
Mechi zote kuanza Saa 4 Dak 45 Usiku
Jumanne Machi 17
AS Monaco v Arsenal [3-1]
Atlético Madrid V Bayer Leverkusen [0-1]

Jumatano Machi 18
FC Barcelona v Man City [2-1]
Borussia Dortmund v Juventus [1-2]

Read More