KLABU YA MANCHESTER UNITED YATHIBITISHA KUMSAJILI DALEY BLIND KUTOKA HOLLAND.

Manchester United imetangaza kumsaini Mchezaji wa Kimataifa wa Netherlands Daley Blind kutoka Ajax kwa Dau la Pauni Milioni 14.
Blind, ambae ndie Mchezaji Bora wa Mwaka wa Netherlands, anaungana tena na Meneja wa Man United Louis van Gaal ambae walikuwa pamoja huko Brazil kwenye Fainali za Kombe la Dunia wakati Van Gaal ni Meneja wa Netherlands na kufika Nusu Fainali.
Staa huyo mwenye Miaka 24 amesaini Mkataba wa Miaka Minne wenye kipengele cha Nyongeza ya Mwaka mmoja ukimalizika.
Blind, ambae ni Mtoto wa Mchezaji wa zamani wa Ajax na Netherlands, Danny Blind, anaweza kucheza kama Beki na pia Kiungo.
Mara baada ya kukamilisha Usajili wake, Blind alisema ni heshima kubwa kuichezea Man United.
Nae Van Gaal alisema: “Nimefurahi kumsaini Daley. Ni Mchezaji mwenye akili na anaeweza kucheza Namba nyingi.”

MANCHESTER UNITED
NDANI:
Ander Herrera (Athletic Bilbao) Ada haikutajwa Luke Shaw (Southampton) Ada haikutajwa Vanja Milinkovic (Vojovdina) Ada haikutajwa Marcos Rojo (Sporting Lisbon) €20m Angel Di Maria (Real Madrid) £59.7m
Radamel Falcao (AS Monaco) Mkopo £6m NJE:
Federico Macheda (Cardiff City) Bure Jack Barmby (Leicester City) Bure Rio Ferdinand (QPR) Bure Ryan Giggs Ameachwa Nemanja Vidic (Inter Milan) Bure Alexander Buttner (Dynamo Moscow) Ada haikutajwa Patrice Evra (Juventus) Ada haikutajwa
Nani (Sporting Lisbon) Mkopo Wilfried Zaha (Crystal Palace) Mkopo
Danny Welbeck (Arsenal) £16m
Javier Hernandez (Real Madrid) Mkopo